السبت، 2 مايو، 2009

مجرد نصيحه


واحد صاحبى قاللى نصيحه كده الاسبوع ده وانا طبعا مش ناوى اعمل بيها خالص (يابنى_بدانا نكدب من اولها_عشان تعيش فى الدنيا دى لازم تكون رخم_ماهو صاحبى ده رخم جدا جدا......_مش كل ماحد يطلب منك حاجه تعملهاله_على اساس انى اهوجى ايوه جاى_كده الناس هتستعبطك..................................)

وانا من هذا المكان بقول للجميع مش معنى انك تساعد غيرك فى اى حاجه انه كده بيستعبطك يا أخى دا الابتسامه فى وجه المسلم صدقه والرسول عليه الصلاه والسلام يقول فيما معناه من فرج عن اخيه كربه من كرب الدنيا فرج الله عنه كربه من كرب الاخرة.

وبعدين رخامه ايه يا اخى ما انت اهه ماشاء الله اللهم لاحسد رخم على الاخر واستفدت ايه كل الناس بيقولوا عليك بضيييييييين وانا باضم صوتى معاهم.

تتصوروا سبب النصيحه الغاليه دى ايه انى ارتكبت عمل شنيع مش قادر اقوله انى...انى عملت ثلاث كويايات شاى للمشرفين فى المدينه عشان كانو ناسيين مفتاح الدولاب اللى فيه الكوبايات بتاعتهم انا عارف ان فيه ناس بيقولوا ايه التفاهه دى موضوع عن كوبايه شاى وانا بقوللهم لا والف لا دول ثلاث كوبايات

المقصود مش الشاى طبعا المقصود انك لو لقيت حد محتاج حاجه اعملهاله مادام فى استطاعتك..........

هناك 12 تعليقًا:

  1. اجمل انواع المساعده انك متنتظرش منها مقابل
    غير من المولى عز وجل

    وشكرا على الشاى

    ردحذف
  2. فعلا لازم كلنا نساعد الناس على اد ما نقدر وحتى لو فوق طاقتنا لانك هتنتظر المقابل من رب العالمين يوم الاخره ربنا يجازيك كل خير يارب

    ردحذف
  3. ابراهيم مطاوع2 مايو، 2009 9:18 ص

    السلام عليكم اولا
    طبعا لازم نقدم المساعده اللي نقدر علينها وزي مابيقولوا اعمل الخير وارميه في البحر
    تقبل مروري
    ابراهيم مطاوع

    ردحذف
  4. ما اجمل بجد مساعدة الاخرين
    احساس السعادة اللي بنشوفه في عيون ووجوه من ساعدناهم بيخلينا احنا كمان سعداء
    ربنا يكرمك يارب
    جزاك الله خيرا.

    ردحذف
  5. السلام عليكم كلام فاضى
    تحياتى
    اوعى تسمع كلام الرخم ده
    زى انت ما قلت الابتسامه فى وجه المؤمن صدقه
    واماطة الاذى عن الطريق صدقه
    وكل حاجه تعملها لوجه الله يثيبك الله عليها
    تحياتى

    ردحذف
  6. لا يا ابو حميد مش كده ابدا
    الواحد مش بينتظر مقابل لفعل الخير
    ولو مكنش فى مقابل
    اكيد ترقيق قلوب الناس ده امر جميل

    وبعدين الرخامة دى امر صعب اوى
    والناس مش هتقبلك ابدا
    وهتكون تقيل على قلوبهم


    اما الرخامه بغرض الهزار او ما شابه
    فانا اذا رخم جدا
    هههههههههههههههههه

    ردحذف
  7. مش عارف ليه عندي احساس اني عارف الشخص اللي انت ببتكلم عنه
    عموما في دماغي تلاته اعتقد انه واحد منهم
    المهم انت معاك حق طبعا
    مساعدة حد ده شيئ نبيل وكويس
    بس المهم ان يكون الحد ده محتاج مساعده
    يعني مش بيطلب المساعده كرخامه
    وفي موقفك ده طبعا هم كانو محتاجين المساعده
    لان معندهمش شاي
    ده غير ان صاحبك ده شكله بخيل حبتين

    تحياتي

    ردحذف
  8. ربنا هيعطيك على قد نيتك

    ردحذف
  9. ماشاء الله عرض جميل خاصة يا بنى :)
    قال رسول الله صلى الله عليه وسلم : "إن لله
    عباداً اختصهم بقضاء حوائج الناس، حببهم إلى الخير، وحبب الخير إليهم، هم الآمنون من عذاب الله يوم القيامة”.
    ربنا يتقبل ويجعلنا وإياكم منهم إن شاء الله

    ردحذف
  10. خديجة عبدالله13 مايو، 2009 1:37 ص

    أنا كنت كتبت تعليق هنا راح فين ؟؟؟؟؟؟؟؟

    ردحذف
  11. ازيك يا دكتور اخبارك ايه واخبار المساعدات ايه
    طب الشاى طيب اخباره ايه

    ما علينا حبيت اتطمن عليك بس

    ردحذف