الخميس، 29 يناير، 2009

الحب فى زمن البلوتوث



طلع ورقه من محفظته وبص فى عين البت بتاعته. وبدأ يسرد اشعاره اللى صاحبه مألفهاله.
عمال بيقول ويغنى ياحبيبتى يا عنيه يا عمرى أنا عمرى ماحبيت غيرك انتى.
شوية ويتنهد ويقول من غيرك أنا أموت على طول
يخربيت أم دى بسمه  عشانها أنا أروح فى داهية
يا مزه يا جميلة يا نسمه  معاكى  انا بنسا الدنيا والوقت بيعدى فى ثانيه
مش مهم المحاضرة تعدى المهم غلوتك عندى
يا حبيبتى يا عنيه يا عمرى....
هى:بجد يا حبيبى انت اللى مألف الكلام الحلو ده عشانى
هو: ايوه طبعا يا حبيبتى
أمال لو سمعتى بقيتها...شكلهم كده قربو يقفلو الجامعة..كلمينى النهارده وانا هكملهالك
هى:خلاص هكلمك الساعة اتنين كده على ما بابا يتخمد
................ولما تيجى الساعة اتنين وينام الأب المخدوع تبدأ المكالمة الطويله ويقول وهى تقول شوية كلمات بس جميلة...وبعد المكالمة تلاقيه داخل علينا واحنا قاعدين ولا بينا ولا علينا...وبيسمعنا اّخر مكالمة.ما احنا اصحابه..ولوحد غريب معانا مش مهم اهو كله شهره ومنظره.
بيسجل كل مكالمة وييجى يسمعهالنا ان كانت للمزه الأولى أو كانت للبت التانيه او حتى التالته...........والمكالمه اللى تعجبنا بالبلوتوث يبعتهالنا...................................
وتيجى تسأله ايه رأيك فيها يقولك دى واحده بتتسلى  طب تتجوز مين فيهم طبعا ولا دى ولادهيه...........


الى كل البنات ................... خلو بالكو من تسجيل المكالمات..................وياريت احسن تأضوها  رنات

اتقوا الله

هناك 19 تعليقًا:

  1. السلام عليكم

    يسعدنى يامحمد اكون اول واحد ارد عليك...بصراحه طريقتك فى الكتابه رائعه وان شاء الله تكون كاتب كبير فى المستقبل

    موضوعك مهم فى حاجات كتير اهمها:

    اولا : اغلب العلاقات مع البنات بتكون للتسليه فقط وده طبعا حرام لانه كما تدين تدان

    ثانيا:ان اسلوب الافتخار بمصداقة البنات اصلا يسهل المعصيه وده اكبر خطا

    ثالثا:ان اتباع الصداقه مع البنات لم يات الاللتقليد للغرب وده هدفهم ان يكون منتهى الغايه لكل شاب بنت تكلمه

    رابعا:دى دعوه للفتيات انهم يحترسوا لانه لعبه ببتلعب وفى النهايه هتكون البنت خسرانه بكل المقاييس طبعا

    وجزاك الله خيرا يامحمد على الكلام الجميل ده وعلطول مبدع ان شاء الله وعلى فكره العنوان جامد جدا

    ردحذف
  2. اه
    انا شاكك فيك شكلك انت اللى بتسجل لهم
    ههههههههههههه
    لو مكنتش بس عارفك كان زمانى شكيت فيك
    موضوع جميل يا ابو حميد

    ردحذف
  3. التقوى تسد الباب امام كل شر وتفتح الباب امام كل خير.

    ردحذف
  4. احمد..شكرا على الرد الجميل
    د/عرفة....دا أنا غلبااااااااااااان
    salma mohamed
    عندك حق

    ردحذف
  5. ازيك يا بتاع الكلام الفاضى
    اليومين دول ما فيش اخلاق ولا حتى دم
    ما حدش عايز يفهم ان البنات دول اخوه لهم
    طب هو له له اخت حيعمل ايه
    واكيد له اخت واكيد هي كمان بيتسجل لها
    كما تدين تدان
    تحياتى

    ردحذف
  6. سواء كانت العلاقة بين الولد والبنت جد أم تسالى, فكون احدهم يسجل للأخر كى يفضحه .. فهذا يدل على نفس مشوهة ممسوخة

    ردحذف
  7. هههههههههه

    بس على فكرة يا دوك ,
    العملة لازم تتطور التطور الطبيعي للحاجة الساقعة ,

    يعني نظرة فابتسامة فتليفون فرنة فـplease call me
    فاتصال :)

    الحمد لله إن الواحد خلص الكلية على خير و لم ينحرف إلا " انحرافات فردية " بين الواحد و ربه و لم يشارك في انحراف أحد أو تشويه صورته :)

    عقبالك إن شاء الله لما تخلص و تدخل الجيش على خير :)

    ردحذف
  8. من انت؟

    ردحذف
  9. ربنا يخليك ياعم قولى
    هى المكالمات تتسجل ازى
    من الموبايل يعنى لو مش
    فيها غلاسة واطمن ياعم
    انا حسجلها لنفسى مش
    للشهرة ولا للتشهير...

    ردحذف
  10. وعلى ايه معرفه من اصله هههههههههه
    دى كوارث التكنولوجيا
    ولاا نفوس البشر

    ردحذف
  11. .. حازم سويلم.....fashkool
    عندكوا حق حق كما تدين تدان..


    iBRAHiM sAllAm
    الله يكرمك هانت كلها سنه واخلص الكلية بس الحمد لله ماعنديش جيش اصلى وحيد الحمد لله


    غير معرف الأولانى...مش اعرف سيادتك الأول مين
    غير معروف التانى..يا عم ولا لنفسك ولا لغيرك بلاش أحسن واسمع كلام
    mahasen saber

    ردحذف
  12. دعوه
    الأخ العزيز/او الأخت العزيزه
    تحيه طيبه
    ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
    ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
    المدونه
    http://netonradio.blogspot.com
    الموقع
    http://dear.to/cairo

    ردحذف
  13. وياريت ميكنش عندك مانع لو طرحنا البوست الحب فى زمن البلوتوث فى مدونة البرنامج

    ردحذف
  14. انت تسال والكمبيوتر يجيب
    موافق طبعا...وجارى دخول الموقع

    ردحذف
  15. معلش يا عثمان ردي متاخر بسبب المرض
    ربنا ما يوريك يا ابني
    المهم
    العنوان بصراحه يا عثمان عبقري
    وللاسف هياني اني هقرا موضوع جاد قوي فيه شغل كبير وكتير
    لكني صدمت بقصر الموضوع
    وفي نفس الوقت مناقشته الساخره
    كنت اتمنى توفر العنوان الجامد ده لموضوع اتقل ن كده
    متفهمنش غلط
    انا واللهي عجبني موضوعك جدا بس الانطباع اللي خادته من العنوان اختلف معايا بعد ما قريت الموضوع
    ده غير انت عرفت منين التفاصيل دي
    اصل متقنعنيش ان انت اللي بتسجل وبتعرف الحاجات دي
    على يدي
    ده انت اخر واحد ممكن يعمل كده

    تحياتي

    ردحذف
  16. ايزيك يا كلام فاضى .. بس اناشايف انه كلام مليان
    تحياتى واشكرك على التعليق..
    احاول ان اشرح للناس نكبة فلسطين وكيف انه على طول التاريخ منكوبين بهؤلاء اليهود اللى ما لهمش اى حق فى فلسطين .. حتى حقهم التاريخى اللى بيقولوا عليه هم تنازلوا عنه من زمان والا فلابد ان تكون اسبانيا عربيه ولابد لنا من ان نحتل الحجاز لانها اصل الساميه ونحن وان كان بعضنا حامى سامى الا انه من هذا المنطلق لنا حق فى الحجاز.
    تحياتى

    ردحذف
  17. ولناحق فى اليمن لانها مهد الساميه كمان.. واللى عايز يلقح جتته يقول انالى حق فى الشيئ الفلانى وخلاص .. ما هى بقت فوضه ولا يحكمها غير القوه
    تحياتى

    ردحذف
  18. أخى

    رساله هادفه و واضحه

    ربنا يهدى شباب و بنات المسلمين

    جزاك الله خيرا

    تحياتى

    ردحذف
  19. منك لله يا شرقاوى
    سيحت للواد

    وبعدين هو عشان حاله فردية تقوم تعمم القضية

    عموما عناوينك قوية جدا

    إلى الأمام دائما

    ردحذف