الخميس، 15 يناير، 2009

الكوسة

الكوسه
اكله حمضانه  بس مليالنا الدنيا ....حمضانة بس فى الزنقه تفيدنا.....تطلعك من اوسخها لجنه وفى اى طابور هتعدى فى ثانيه...
يا سلام عليها فى لجنة شفوى...هتلاقى الاستاذ الرخم بيقولك ياحبيبى ويا ابنى
ويديلك  الدرجة النهائيه...اصله هو ومامتك كانو زملا فى الثانويه.......
انا  بقا ساكن فى المدينة الجامعية بطنطا ....الاكله الرئيسيه الكوسه...... والقوانين بتاعتها اونطه
ياجدعان دانا فى سنه ساته...اخدو الأوضة بتاعتى  وادوها لواحد لسه فى تانيه
اصل قريبه الحج فلان اللى صاحب الأستاذ علان
وانا طبعا علشان  غلبان  ابقا على طور خسران
قلت عمرى ما هسيب حقى..وجريت على سيادة  المسئول  اتعصب  ووقف وقاللى  انا من  ساعة ما قعدت على الكرسى  .. ولا كوسه ولا سرقه ولا اى حاجه خالص من دى...
وجاب الأستاذ علان قام قال له دا تبع الحج فلان............سكت المسئول شويه....يعمل ايه  دا الحج فلان انتيمه...بس منظره ادامى....
وبعد تفكير طويل ...قال له  نشوف له اوضه تانيه .......مع انه لسه فى تانيه  .....مادام عنده واسطه.....تبقا  قوانين تانيه...
وانا مالى ما  أنا  هاخد حقى وربنا مع صاحب الأوضه التانيه.

(ماضاع حق وراءه مطالب)......مقوله صحيحه بس  مش عندنا الكلام ده الا فى اوقات  مش كتيرة لما المسئول يتحرج  بعد ما كان عامل فيها شجيع السيما

هناك تعليقان (2):

  1. يا واد يا عثمان يا جاااااااااااااامد
    ايوه كده جدع
    بس حلو اوي ان المسؤول اللي كان بيتنطط قدامك بالمبادئ اول لما سمع اسم الحج بلع ريقه وخاف
    ايه يا عم الحلاوه دي يا سيدي
    بس ليه طلب عندك يا عم
    انا باه اللي عايز اوضتك
    انا مش واسطه اهه خالص
    يعني هتستخسرها فيه(وش بيغمز وبيطلع لسانه)

    تحياتي

    ردحذف
  2. انت تشاور يامعلم..
    تعالى انت بس وانا هعملك خيمه فى ملعب المدينه اوسع من الأوضه.......

    ردحذف