السبت، 10 يناير 2009


معك الله ياغزة...اى بتى اّدم يقرأ الكلام ده  ماينساش الدعاء لاهل غزة..........ودى اول كلماتى

مدوناتى مدوناتى عمال اعيد اقول واهاتى

الناس كلامها  فاضى حبيت  اتكلم قلت على قد معلوماتى

فكرت حبه وجيت اتكلم طلع كلامى برده فاضى

اسكت طب حتى ادعى يا رب دمر الاعادى

جه عسكرى لطعنى ألم وقاللى اخلينى فى حالى

المرادى بس ألم المرةالجاية اتعدم وينشرو خبر انتحارى

الكلام ممنوع والدفاع عن الارض غير مشروع قلت اجاهد بمالى

جه العسكرى تانى وفى المعتقل رمانى

هم دول مش مسلمين او حتى عرب يبقا حالهم  هو حالى
...........................................................................................


هناك 3 تعليقات:

  1. لا انا زعلت منك جدا جدا كده
    باه يا راجل تبقى شاعر كبير كده وانا معرفش
    وقطع ايد العسكري اللي يمد ايده عليك
    ده انا كنت ادغدغه
    ثانيا باه انت مبتقولش كلام فاضي ولا حاجه
    ده كله كلام في المتين

    سعيد جدا انك دخلت عالم التدوين
    وسعيد جدا جدا خالص ان انا اول واحد يعلق عندك

    بس احب احذرك ان انا مش هجاملك خالص مالص
    وهكون اول من ينقدك
    وبرده هكون اول من يعجب بافكارك اذا كانت حلوه
    فاحذر مني

    تحياتي ومودتي ومعزتي وكفايه كده باه

    ردحذف
  2. بداية موفقة ياريس
    والموضوع بجد بجد بقي يحرق الدم
    يالله ربنا يجازيهم
    طنطاوي برضو

    ردحذف
  3. الف شكر يا عم المشاغب وربنا يستر....
    manamino
    والله بجد الموضوع فعلا يخنق

    ردحذف